SUA yainoa Timu ya taarifa za Ugani chuoni

Na: Siwema Malibiche

Kitengo cha Ugani kutoka Taasisi ya Elimu ya Kujiendeleza ICE kimeendesha mafunzo kwa idara mbalimbali  ndani ya Chuo Kikuu cha Sokoine cha Kilimo  ili kuongeza uelewa zaidi katika shughuli za ugani ili kuleta  maendeleo kwa taifa kupitia sekta ya kilimo.

Mkuu wa Kitengo cha Ugani kutoka Taasisi ya Elimu ya Kujiendeleza ICE – SUA  Dkt. Emmanuel Malisa (kushoto) akiwa na Mkurugenzi wa ICE Dkt. Devotha Mosha alitevaa miwani wakiwa katika warsha

Akizungumza  wakati wa warsha hiyo iliofanyika Chuo Kikuu cha Sokoine cha Kilimo Kampasi ya Edward Moringe  mkoani Morogoro Mkuu wa Kitengo cha Ugani kutoka Taasisi ya Elimu ya Kujiendeleza ICE – SUA  Dkt. Emmanuel Malisa amesema  wamekuja na warsha hiyo kwa idara ili kutoa mafunzo juu ya  ugani lengo likiwa ni kukuza na kuboresha shughuli za ugani kwa kuleta utaratibu bunifu utakaosaidia kuratibu  vizuri shughuli  zake  ndani ya SUA

Aidha,  amesema wamekuja na warsha hiyo kufuatiwa na kuwepo kwa baadhi ya changamoto za kiutendaji  katika idara mbalimbali ikiwemo ucheleweshwaji wa taarifa mbalimbali za maeneo ambayo zimefanyika shughuli za ugani na anaamini kuwa warsha hiyo italeta msukumo mpya baada ya mapendekezo na boresha shughuli za ugani kwa kuleta utaratibu bunifu  ndani ya Chuo Kikuu cha Sokoine cha Kilimo .

Kwa upande wake,  Mhadhiri, kutoka Idara ya Mimea Vipando na Kilimo cha Bustani  na Mwenyekiti wa kamati ya Ugani  katika Ndaki ya Kilimo Dkt. Yasinta Zogela amesema amejifunza mengi kupitia warsha hiyo ambayo itaenda kuboresha na kuwaelimisha wafanyakazi wengine na anamini itasaidia   kwenye uboreshaji wa taarifa muhimu ambazo zinahitajika kwenye hatua mbalimbali za kiutawala wa chuo na kusambaza huduma za kiugani kwa wepesi  na weledi katika jamii inayowazunguka.

Naye, Afisa Maktaba Mkuu katika Maktaba ya Taifa ya Sokoine ya Kilimo Jabir Jabir  amesema   kupitia warsha hiyo itasaidia kuboresha namna ya kutoa elimu thabiti ili kuwafikia wakulima wengi kupitia   “Mkulima Collection  yenye malengo ya kuwasaidia wakulima kupata taarifa mbalimbali za Kilimo, Mifugo na Uvuvi,  ambapo wakulima  watapata taarifa za machapisho mbalimbali  yatakayowasaidia kufanya kazi zao kwa ufanisi na weledi.

Mafunzo hayo yaliyofanyika  katika ukumbi wa ICE ndani Chuo Kikuu cha Sokoine cha Kilimo yameudhuliwa na wajumbe zaidi ya 20 kutoka katika Ndaki, Kurugenzi na Idara mbalimbali za chuo ambapo ikiwa na maratarajio ya kuwaunganisha wataalam kutoka SUA na jamii kwa kutoa elimu itakayosaidia kutatua changamoto zinazowakabili wakulima kwa maslahi ya Taifa.