Na: Winfrida Nicolaus
Idara ya
Teknolojia ya Chakula na Uchakataji wa Mazao ya Shambani iliyopo katika Chuo
Kikuu cha Sokoine cha Kilimo SUA inatoa elimu kwa wakulima na jamii kwa ujumla
juu ya namna nzuri za kufanya usindikaji na uchakataji wa mazao ya shamba kuwa katika
bidhaa zenye thamani kibiashara.
Amebainisha
hayo Bw. Tamambele Masinga Fundi Sanifu kutoka Maabara ya Chakula Idara ya
Sayansi ya Chakula na Uchakataji wa
Mazao SUA wakati akizungumza na SUA Media katika banda la Chuo Kikuu cha
Sokoine cha Kilimo (SUA) kwenye Maonesho ya Nanenane Kanda ya Mashariki
yanayofanyika katika viwanja vya Mwalimu Julius Nyerere mjini Morogoro.
Amesema wapo
katika maonesho hayo kwa lengo la kutoa elimu kwa wakulima hasa ambao wanahusika
na mazao ya shamba ili wajifunze namna nzuri ya kubadilisha mazao ya shamba kuwa
bidhaa ambazo zinakuwa na kiwango kirefu cha muda.
“Kwa
maana hiyo sasa kile tunachokifanya tunatoa katika mazao ya shamba na kuja kuwa
bidhaa ambayo ina thamani zaidi na hii ni kuhakikisha tunapata uhakika wa uwepo
wa Chakula ambacho ni salama wakati wote kwa mwaka mzima, chakula ambacho
kinaweza kuwa faida kubwa kwa watumiaji wa aina mbalimbali”, amesema Masinga.
Aidha Bw.
Masinga amesema anawahamasisha wananchi kupata mafunzo mbalimbali ya muda mfupi
kwa faida yao wenyewe kwa sababu wale ambao wanapata ujuzi kama wa uchakataji
wa mazao kama vile matunda kwa ajili ya Juisi, mvinyo, unga wa usindikaji wa mboga
mboga itawasaidia kwa kiasi kikubwa kupunguza uharibifu wa mazao ya shambani
ambayo yangeweza kuharibika kama yangeachwa bila kubadilishwa au kuyaongezea
thamani.
Ameongeza
kuwa wamekuja na bidhaa mbalimbali ambazo zimetengezwa na wanafunzi kupitia
usimamizi mzuri wa Wataalam wa Maabara na wanazionesha katika maonesho hayo
ikiwemo Juisi ambayo imetokana na matunda
ambayo hayapo kwenye msimu, unga wa Lishe pamoja na biskuti zilizotengenezwa kwa
viazi lishe, njugu mawe na mlonge.
0 Comments