TPHA SACIDS watoa heshima kumkumbuka Marehemu Dkt. Leonard Ernest Gustavin Mboera

 Na: Calvin Gwabara – Morogoro.

Jumuiya ya Watafiti nchini wametakiwa kufurahia maisha ya Marehemu Dkt. Leonard Ernest Gustavin Mboera badala ya kusikitika kwakuwa kazi kubwa alizozifanya wakati wa uhai wake zinaendelea kuishi na kutoa mchango mkubwa kwa jamii na Taifa.

Mwenyekiti wa Kigoda cha Utafiti cha Oliver Tambo cha Magonjwa ya Virusi na Kiongozi wa kituo cha Umahiri cha magonjwa ya kuambukiza na afya Moja cha SACIDS kilichopo Chuo Kikuu cha Sokoine cha Kilimo Prof. Gerald Misinzo akitoa salamu za SACIDS na SUA kwenye mkutano huo.

Wito huo umetolewa na Mwenyekiti wa Kigoda cha Utafiti cha Oliver Tambo cha Magonjwa ya Virusi na Kiongozi wa kituo cha Umahiri cha magonjwa ya kuambukiza na afya Moja cha SACIDS kilichopo Chuo Kikuu cha Sokoine cha  Kilimo Prof. Gerald Misinzo wakati akitoa salamu za Kituo hicho na SUA kwenye kipindi maalumu cha kumpa heshima na kutambua mchago wa marehemu Dkt. Mboera kwenye mkutano wa kisayansi wa 40 wa chama cha afya ya jamii Tanzania TPHA na mkutano mkuu wa mwaka wa chama hicho unaofanyika mkoani Morogoro.

“Kwa watu wote tunaomfahamu na tuliopata nafasi ya kufanya kazi na Mpendwa wetu Marehemu Dkt. Leonard Ernest Gustavin Mboera hatuna sababu ya kuendelea kuhuzunika, tunachopaswa kufanya ni kusherehekea maisha yake kwakuwa ni mtu ambaye aliyatumia maisha yake yote kusaidia kutafuta suluhu ya matatioz mbali ya Jamii yetu na ameandika machapisho mengi kwenye majarida yenye heshima kubwa duniani ambayo mpaka sasa yanaendela kutumiwa na wanasayansi mbalimbali kote ulimwenguni” alisema Prof. Misinzo.

“ Sote tunatambua na hasa mimi kuwa nimefanya kazi nae katika kuandika miradi mingi ya utafiti yenye maana kubwa kwa taifa ambayo tuliipata na imesaidia sana katika kutatua changamoto mbalimbali za afya ya jamii zetu lakini pia fedha hizo zimesomesha wanafunzi wengi kutoka ndani nan je ya Tanzania, na kwakuwa alikuwa mtu anayependa kusimamia maandiko yenye viwango alisimamia Wanafunzi wengi n ahata hapa kwenye mkutano huu wapo kuwasilisha matokeo yao hii ni kazi yake kubwa aliyoipenda na kuisimamia kwa moyo wake wote ukiacha kuwa mhariri wa majapisho yenu”.

Awali kifungua Mkutano huo Mkuu wa Kisayansi wa TPHA aliyekuwa naibu waziri wa afya ambaye sasa ni Mbunge wa Kigamboni na Makamu mwenyekiti wa kamati ya Bunge ya Huduma za jamii Mhe. Dkt. Faustine Ngugulile amesema TPHA imesheheheni wanachama nguli, Waandamizi na waliobobea kwenye masua ya afya Tanzania hivyo ni wakati sasa wakajitokeza na kutoa mchango wao kwa taifa na kuwa mshauri mkuu wa Serikali kwenye masula mbalimbali yanyohusu afya nchini.

“Ukiangalia watu mlionao mambao ndio wanachama wenu ni watu wenye heshima kubwa sana kwa taifa kwenye sekta ya afya natamani kuona kuwa TPHA inakuwa chombo cha ushauri kwa Serikali katika masuala yote ya afya na hili litawezekana kama viongozi mtatoka na kuonesha kazi ambazo chama chetu hiki kinafanya na kuifanya serikali ijue ili iwee kuwatumia vilivyo” alifafanua Mhe. Dkt. Ndugulile.

Mhe. Dkt. Ngudulile ameitaka TPHA kuwa inaandaa makongamano makubwa ambayo yatahusisha watunga Sera, Viongozi wa Serikali na wadau wengine kwakuwa wao ndio watumiaji wa kazi wanazozifanya kama chama huku akitambua mchango mkubwa wa serikali kuboresha sekta ya afya kwa kupambana na magonjwa mbalimbali ambayo yalikuwa yakipoteza nguvu kazi ya taifa lakini pia kusaidia sasa kuboresha miundombinu ya kutolea huduma kuanzia kijiji hadi Taifa na kupunguza idadi ya wagonjwa kupelekwa nje ya nchi kwa asilimia 90 kupata huduma hizo hapa nchini katika ubora uleule.

Akieleza malengo ya mkutano huo Mkuu wa 40 wa Kisayansi wa Chama cha Afya ya Jamii Tanzania (TPHA) Mwenyekiti wa chama hicho Dkt. Mariam Ongara amesema pamoja na mda kuu ya mkutano huu lakini kuna mada zingine ndogondogo saba ambazo pia ni kati ya vipaumbele 10 vya Wizara ya Afya vilivyowasilishwa na Waziri wa Afya Mhe. Ummy Mwalimu wakati wa Bunge la bajeti linaloaendelea Jijini Dodoma katika bajeti yake.

“Tunatarajia kuvijadili na kuvitolea mapendekezo na mwisho tunwasilisha mapendekezo hayo Serikalini na tunashukuru sana Serikali imekuwa ikifanyia kazi mapendekezo yetu ambayo tumekuwa tukiyawasilisha kwenye kila mkutano wetu mkuu hali ambayo inatufanya tuendelee kutoa mapendekezo chanya kwa manufaa ya afya ya watu wetu na Taifa kwa ujumla” alisema Dkt. Ongara.

Wanchama wa chama cha afya ya jamii wametumia nafasi hiyo kumpongeza Mhe. Dkt. Faustine Ndugulile kwa kuteuliwa na Serikali kugombea nafasi ya Mkurugenzi wa Shirika la afya Duniani Kanda ya Afrika na kumtakia mafaniko mema kwenye nafasi hiyo kubwa kimataifa ambayo anapigiwa kura na mawaziri wa afya wa nchi 47 za Afrika.

Mkutano huo wa 40 wa mwaka wa Kisayansi umebeba Kauli mbiu isemayo “Kuboresha hafua za afya ya jamii na utoaji huduma: Furasa na Changamoto.

Aliyekuwa Naibu Waziri wa Afya ambaye sasa ni Mbunge wa Kigamboni na Makamu mwenyekiti wa kamati ya Bunge ya Huduma za jamii Mhe. Dkt. Faustine Ngugulile akifungua mkutano huo wa kisayansi wa 40 wa TPHA.

 Mwenyekiti wa TPHA Dkt. Mariam Ongara akieleza malengo ya mkutano huo Mkuu wa 40 wa Kisayansi wa Chama cha Afya ya Jamii Tanzania (TPHA).

 Washiriki wa mkutano huo wakiwa wamesimama kwa dakika tano kutoa heshima na kumkumbuka Marehemu Dkt. Leonard Ernest Gustavin Mboera.