SUA yapongezwa kwa Miundombinu rafiki ya kujifunza kwa vitendo

Na:Tatyana Celestine

Wanafunzi wa Chuo Kikuu cha Sokoine cha Kilimo (SUA) wamekipongeza Chuo chao kwa kuona umuhimu wa kuwapatia Mafunzo kwa Vitendo kupitia maeneo yake ambayo yana Miundombinu rafiki ya kujifunzia kupelekea kupunguza gharama za usafiri, kuokoa muda,  kujikimu  pamoja na urahisi wa  kujifunza kwakuwa karibu na walimu wao kwa kuwapa msaada papo kwa papo pindi wanapouhitaji.

Akizungumza na SUAMEDIA Bi. Leila Kwigizile  ambaye ni Mwanafunzi wa Mwaka wa Tatu Shahada ya  Kilimo cha  Mboga na Matunda (Hortculture) amesema Mafunzo kwa Vitendo hasa yanayohusiana na utafiti kufanywa karibu na walimu wao imewasaidia kuweza kujua mambo mengi  pia walimu wamekuwa wakiwafuatilia kwa ukaribu kuona ni kwa namna gani utafiti wao umefanikiwa na kama kuna changamoto imekuwa rahisi kwao kufanya marekebisho ili kufikia lengo.

Bi. Kwigizile   ameendelea kusema faida wameiona kutokana na uamuzi huo wanarithishwa utaalamu ipasavyo hata kama kuna jambo lilikuwa hawakulielewa darasani basi kueleweshwa pale wanapokutana tena katika mafunzo kwa vitendo tofauti na kutoka nje ya chuo au kukutana na Mwalimu wengine ambapo watashindwa kujua madhaifu ya mwanafunzi kwa haraka na kumsaidia.

                        

Aidha amaetoa rai kwa vijana ambao wanaona kilimo sio sehemu yao amesema  vijana wanatakiwa wawe tayari na uthubutu kwani kilimo ni ajira ambayo haina mipaka, zaidi wajiunge na  SUA kupitia huko  kilimo ni tofauti kulinganisha na wanavyoona huko mtaani watambue wanayo nafasi ya kueleweshawa kilimo kwa ukubwa wake ikiwemo tafiti zinazosaidia kutatua changamoto mbalimbali pia ushauri wa namna ya kupanda na kuchagua mbegu bora.

Naye Afisa Kilimo Muandamizi  katika Idara ya Mimea Mipando na Bustani SUA Bw. Godwin Rwenzaula   amesema utaratibu wa Mafunzo kwa Vitendo umeendelea kuboresha Mazingira ya Chuo na pia kuzalisha wataalamu wenye ujuzi thabiti kutokana na jitihada za walimu wao kusimamia kikamilifu  na matokeo wanayaona pasi kuambiwa na watu.