Vyuo vyatakiwa kujenga majengo yatakayohimili athari za Mabadiliko ya Tabia ya Nchi

 Na: Adam Maruma

Vyuo  zinavyotarajia kuanza ujenzi na vinavyoendelea na ujenzi wa majengo mbalimbali kwa ufadhili wa Mradi wa Mabadiliko ya Elimu ya Juu Kiuchumi , (HEET)  vimetakiwa kuzingatia ujenzi utakaohimili  athari za mabadiliko ya tabia ya nchi ili majengo hayo yatumika  muda wote bila vikwazo vyovyote pindi yatakapokamilika.

Baadhi washiriki wa Mkutano wa HEET wakifuatilia mada mbalimbali katika mkutano huo

Hayo yamesemwa na Bw.  Dickson Haule, ambae ni Msanifu majengo wa Mradi wa HEET Kitaifa, wakati akitoa majumuisho ya  mawasilisho ya  taarifa ya maendeleo za  utekelezaji wa mradi huo kutoka vyuo vyote vinavyonufaika na mradi huo.

Bw. Haule amesema suala la mabadiliko ya tabia ya nchi limekuwa tatizo katika maeneo mengi duniani ambapo baadhi ya maeneo kumeshudiwa mafuriko makubwa, ukame uliokithiri na joto kali hivyo majengo hayo lazima yawe na miundo mbinu itakayohimili changamoto hizo.

‘Sisi kwa upande wetu kwenye ujenzi wa majengo haya tuzingatie athari hizi hivyo nawaomba mzingatie hilo ili majengo haya yatakapokamilika yaweze kutumika bila changamoto yoyote’’, amesema Haule.

Msanifu majengo wa Mradi wa HEET Kitaifa ameongeza kuwa, eneo la umeme mbadala wa Sola nalo linatakiwa kuzingati katika ujenzi huo kwani kutegemea umeme wa maji ni tatizo ambalo ni muendelezo wa athari za ukame unaosabishwa na mabadiliko hayo ya Tabia ya nchi.

Ametaja eneo lingine linalotakiwa kuangaliwa ni la uvunaji wa  maji ya mvua, na kusema katika majengo waliyokagua wamekuta uvunaji wa maji umezingatiwa kwa kuweka mabomba ya kuvunia maji.

‘’Katika baadhi ya maeneo tuliyotembelea tumeona majengo yenye miundombinu ya uvunaji maji lakini hayajaonesha mahala pa kuhifadhi maji yaliyovunwa katika kipindi cha mvua hivyo nawaomba mkaliangalie hilo hata kwa wale ambao hawanyaonesha kabisa namna watakavyotekeleza miradi hiyo, wakafanye hivyo e’’ amesema  Bw. Haule.