Vyuo na Taasisi ya Elimu ya Juu watakiwa kuzingatia miongozo inayosimamia Mradi wa HEET

Na Adam  Maruma.

Mkurugenzi wa Elimu ya Juu nchini, Prof.Peter Msoffe amewataka watalaam kutoka vyuo na taasisi ya elimu ya juu kuzingatia miongozo inayosimamia mradi wa HEET katika kutekeleza  shughuli zinazofanyika katika maeneo yao.

Prof. Msoffe ambaye alikuwa Mgeni rasmi kwenye mkutano uliowakutanisha watalaam hao amesema ni vyema mradi huo ukatekezwa ipasavyo  ikiwemo ujenzi wa madarasa na ofisi zingine za kiutawala na kuwata kuongeza kasi ya usisamizi na utekelezaji huo.

‘Ili Benki ya Dunia iweze kuona umuhimu wa kuongeza fedha angalau mnufaika wa mradi awe ametekeleza mradi kwa asilimia 40 hii itawaweka katika nafasi nzuri ya kufikiriwa katika kuongezewa fedha hivyo inatakiwa kila mmoja ahakikishe anaongeza kasi ya utekelezaji wa mradi’’ amesema Prof. Msoffe

Mkurugenzi huyo pia  amezitaka taasisi hizo, hadi kufikia mwezi wa 4 mwaka 2024 ziwe zimefikia asilimia 50 ya utekelezaji wa mradi wa huo na kusema kutokana na taarifa ziliwasilishwa na Taasisi hizo, nyingi zinatia moyo kwa hatua wanayoendelea nayo.

‘’Nawakumbusha washirika kuwatumia watalaam hawa wa HEET, ili mradi uendelee kuwa kwenye malengo ya uanzishwaji wake endapo hamtawatumia hawatakua na kazi za kufanya na pia si sahihi kabisa’’, ameongeza Prof. Msoffe.

Chuo Kikuu cha Sokoine Cha Kilimo (SUA), kimeungana na Vyuo na Taasisi Zingine zaidi ya 10 za Umma zinazonufaika na Mradi wa Mabadiliko ya Elimu ya Juu Kiuchumi,  (HEET)  kujadili mafanikio, na changamoto za miundo mbinu inayotekelezwa kwa fedha za  HEET kwenye mkutano unaofanyika katika ukumbi mpya wa Makataba ya Chuo Kikuu cha Dar es Salaam.

Mradi wa HEET unafadhiliwa na Benki ya Dunia, ukitarajiwa kufanya mabadiliko ya Kiuchumi kwenye Taasisi za  Elimu ya Juu nchini kwa kuongeza madarasa, ofisi za utawala, vifaa vya kufundishia na kujifunzia pamoja na kupitia mitaala mbalimbali ili iweze kufanyiwa mabadiliko na kuendana na mahitaji ya sasa ikiwa kutakua na ulazima huo, na tayari mradi huu umetimiza miaka 2 tangu kuanza kwa utekelezaji wake.

 Vyuo vilivyoshiriki ni SUA.SUZA,UDSM,NELSON MANDELA nk.na kwa upande wa Taasisi ni HESLB.

 Picha mbalimbali za washiriki wa Mkutano wa HEET unaoendelea kufanyika katika ukumbi wa Chuo Kikuu cha Dar Es Salaam kwa lengo la kujadili maendeleo ya mradi kwa Taasisi zinazonufaika na mradi huo. Kikao hicho kinategemea kuhitimishwa Tarehe 1/3/2024