Vijana 20 SUGECO waagwa kwenda kwenye mafunzo nchini Denmark

 

Na: Gojo Mohamed, Morogoro.

Imeelezwa kuwa takribani vijana 250 wanasafiri kwa mwaka katika nchi mbalimbali duniani kwa shughuli za utarajali na kujiongezea maaarifa zaidi katika nyanja mbalimbali hususani  katika kilimo na mifugo kutoka  vyuo vikuu na vyuo vya kati  hapa Tanzania.

Vijana hao wanachama wa SUGECO 20 wakiwa kwenye picha ya pamoja na viongozi mara baada ya zoezi la kuwaaga.

Hayo yamebainishwa na Mkurugenzi wa SUGECO bwana Revocatus Kimario wakati wa halfa fupi wakiwaaga vijana 20 wanaosafiri kuelekea nchini Denmark kwa ajili ya shughuli za utarajali yaani internship kwa muda wa miezi 12-18 iliyofanyika katika Ushirika wa wahitimu wa Chuo Kikuu cha Sokoine cha Kilimo  SUGECO.

Kimario amesema SUGECO wanayo furaha kubwa kwa sababu walikuwa wa kwanza kuanzisha program za internship kwa kuwapeleka vijana nchini Izrael hasa katika sekta ya Kilimo na Mifugo lakini kwa sasa program hii imekuwa kubwa na wanapeeka vijana zaidi ya 250.

Mkurugenzi huyo amesema mwaka 2018 SUGECO imesaidia vijana wengi Kwenda nchini Marekani na kufikia sasa kuna vijana 422 ambao wamenufaika katika mafunzo hayo ya intership.

Naye Bwana Steven Michael ambaye ni Mkurugenzi wa masoko na uzalishaji kutoka wizara ya mifugo na uvuvi ameipongeza SUGECO kwa kuunga mkono juhudi za Serikali ya awamu ya sita hasa katika sekta ya mifugo na uvuvi.

Amesema kuwa kutokana na mchango wa SUGECO katika sekta ya Mifugo ya Uvuvi, Wizara hiyo itaendelea kushirikiana nao katika kuandaa mpango mkakati baada ya intership vijana wanaporudi  nchini uwasaidie kuweza kutumia maarifa waliyoyapata nchini Denmark kuchangia Sekta ya Mifugo na Uvuvi kupitia vituo atamizi vilivyoanzishwa na Wizara.

Kwa Upande wao Bi. Veronica aloyce na Bw. Fahadi Mwijuma  ambao ni baadhi ya vijana wanaotarajia kusafiri Kwenda nchini Denmark wiki hii wamesema  kuwa wanamatarajio makubwa ya Kwenda kujifunza na mara watakaporudi nchini wataendeleza maarifa na ujuzi  walioupata kwa kujiajiri kwa kuanzisha mashamba yao binafsi  na kuweza kuwasaidia vijina wenzao katika maswala ya mifugo.

Hata hivyo SIGECO kwa kushirikiana na taasisi ya fedha ambayo ni Benki ya EQUITY imeweza kutoa mikopo kwa vijana hao wanaonufaika na hizi program tangu zilipoanzishwa mwaka 2018.

Aidha kwa usimamizi ambao SUGECO imetoa kwa vijana hao kuhakikisha mikopo hii inarejeshwa hivyobenki hiyo kuendelea kujenga imani na SUGECO ambapo pia imeweza kutoa fedha kwa ajili ya kutekeleza program ya Kizimba inayoratibiwa na SUGECO ambayo itatengeneza fursa za ajira kwa vijana kupitia minyororo ya thamani ya kilimo biashara.

 Baadhi ya matukio katika picha wakati wa hafla ya kuwaga vijana hao 20.

Mkurugenzi mtendaji wa SUGECO bwana Revocatus Kimario akifafanua jambo wakati wa hafla hiyo.

Bwana Steven Michael ambaye ni Mkurugenzi wa masoko na uzalishaji kutoka wizara ya mifugo na uvuvi akikabidhi nyaraka za safari kwa mmoja wa vijana nao..