WADAU WA MISITU WATAKA MKAA SASA UUZWE KWA KILO NA SIO MAGUNIA YA LUMBESA

 Na: Calvin Gwabara - Morogoro.

 Wadau wa Misitu nchini wametakiwa kushirikiana na kuisaidia Serikali kuona   uwezekano wa Mkaa unazozalishwa kwenye maeneo mbalimbali nchini kuanza   kuuzwa kwa kilo kama badala ya magunia ambayo yanachangia kutokuwepo kwa       usawa katika biashara hiyo na kuharibu misitu.

Mkurugenzi Msaidizi wa Shirika la Kuhifadhi Misitu ya Asili   Tanzania (TFCG) bwana Emmanuel Lyimo wakati akizungumza na kutoa mchango     wake kwenye mkutano wa Wadau wa Kikosi kazi cha Misitu Tanzania (TFWG).

  Wito huo umetolewa na Mkurugenzi Msaidizi wa Shirika la Kuhifadhi Misitu ya Asili   Tanzania (TFCG) bwana Emmanuel Lyimo wakati akizungumza na kutoa mchango     wake kwenye mkutano wa Wadau wa Kikosi kazi cha Misitu Tanzania (TFWG) mara   baada ya kufungua mkuatano huo uliohusisha wadau mbalimbali wa misitu kutoka   Serikalini, Mashirika yasiyo ya Kiserikali pamoja na Waandishi wa Habarai.

“Kwenye mitandao tunaona video inasambaa kuonesha bodaboda zimepangana     zimebeba magunia mengi ya mkaa ambayo yana ujazo mkubwa sana hata sisi   wenyewe   tumeshakutana na watu wanaouza mkaa kwa Pikipiki huko mitaani yale   magunia ni zaidi ya Kilo 50 ambazo zinatamkwa na sheria kuuzwa kwa shilingi   12,500/- huko yanakozalishwa na mkaa huo unatoka kwenye maeneo ambayo   yanzalisha mkaa kiholela ambako hawazingatii vipimo na kwepa kununua kwenye       maeneo rasmi ya kuzalisha mkaa kiuendelevu hii ni hatari kwa usalama wa mistu         yetu”    alifafanua bwana Lyimo.

 Amesema kuwa kwenye maeneo ya vijini ambayo vinatekeleza mradi wa Usimamizi   shirikishi wa misitu na Mkaa endelevu gunia la kilo 50 linauzwa shilingi elfu 12,500/-   kama GN417 inavyoonesha lakini wafanyabishara hawaendi kwenye maeneo hayo   wanakimbilia maeneo yanayofanya biashara ya mkaa usio rasmi na kupata magunia   hayo makubwa yasiyofuata vipimo na hivyo kuzidi kuchochea uharibifu wa misitu ya   vijiji huku kule kunakozalishwa mkaa rasmi kwa kufuata taratibu kukikosa wateja na   kukata tamaa.

 Amesema kuwa endapo Mkaa utauzwa kwa kilo na kuwa kwenye mifuko maalumu   kutasaidia kupungua kwa uharibifu wa misitu kwenye maeneo mengi nchini lakini pia   kuwepo na utaratibu wa kuwatambua wafanya biashara hiyo na kujua mkaa unaouzwa   umetoka wapi na Kijiji gani ili kuweza kudhibiti biashara holela ya mkaa nchini       ambayo ni hatari kwa afya ya misitu na mazingira.

  Kwa upande wake Afisa Sera na majadiliano wa Mtandao wa Jamii wa Usimamizi wa   Misitu Tanzania (MJUMITA) Bi. Elida Fundi amesema uharibifu wa mistu unaendelea   kuongezeka kila kona na hivyo kuomba wadau kushirikiana kuokoa misitu na   kuisaidia  nchi.

Afisa Sera na majadiliano wa Mtandao wa Jamii wa Usimamizi wa   Misitu Tanzania (MJUMITA) Bi. Elida Fundi akiongea na Waandishi wa Habari nje ya mkutano huo (hawapo pichani).

 “Ukiangalia kwa uzoefu wetu tumeona kwenye maeneo ambayo tunatekeleza mradi wa   Usimamizi shirikishi wa misitu na Mkaa endelevu kumekuwa na mafanikio makubwa   sana kwenye kuhifadhi misitu ya vijiji kupitia wananchi wenyewe kwakuwa wanapata   motisha na kuona thamani ya misitu moja kwa moja kwa kupata ajira na kuteleza         miradi mbalimbali ya maendeleo kijijini lakini mradi ukiondoka mambo yanaharibika”    alieleza Bi.Elida.

  Amesema changamoto kubwa ni matumizi mabaya ya fedha zinazopatikana kutokana   na biashara ya Mkaa na Mbao zilizovunwa kiuendeelevu kwa kufuta misingi i   liyowekwa na mradi maana vijiji vimeweza kupata mapato hadi kufikia shilingi   milioni100 na hivyo viongozi kuanza kutolea macho fedha hizo na kutoka nje ya       utaratibu.

 Afisa Majadiliano na Sera huyo wa MJUMITA amesema bado nguvu ya pamoja   inahitajika katika usimamizi wa misitu na fedha zinazopatikana kutokana na uvunaji   wa mkaa na mbao lakini pia kuzuia maeneo mengine ambayo hayana mfumo rasmi wa   uvunaji kuacha uvunaji huo holela ambao unavutia wateja kwenda huko na kukimbia   maeneo ya vijiji ambavyo vinafuata taratibu na mfumo mzuri ambao umewekwa     unaochangia kwenya mapato ya jamii,vijiji, Halmashauri na Serikali kuu kupitia tozo   na kodi.

TFCG na MJUMITA wanatekeeleza Mradi wa Usimamizi Shirikishi wa Misitu ya Jamiii(USMJ) chini ya Mradi wa kuleta Mageuzi katika Sekta ya Mkaa Tanzania (TTCS) na mradi wa kuhifadhi Misitu kwa kuwezesha biashara endelevu ya Misitu (CoFOREAT) kwa ufadhili wa Shirika la  Maendeleo la Uswis (SDC). 

Aina za Magunia ya Mkaa yanayozalishwa kwenye maeneo yasiyo rasmi yanavyojazwa bila kuzingatia uzito na kuuzwa kwenye maeneo mbalimbali mijini.