Na: Calvin Gwabara
Mradi wa kuhifadhi misitu kwa kuwezesha biashara endelevu ya
mazao ya misitu Tanzania (CoForEST) kupitia Uvunaji edelevu wa mazao ya misitu
umewezesha Chama cha mapinduzi CCM kata ya Matuli Wilaya ya Morogoro kutekeleza
Ilani na ahadi za uchaguzi kwa asilimia 90% kwa kuanzisha na kukamilisha miradi
mitano ya maendeleo.
 |
| Katibu wa Chama cha Mapinduzi ( CCM) kata kata ya Matuli Maalim Abdalah Semindu (kulia) akieleza mradi huo ulivyoleta maendeleo kwenye kata yake. |
Kauli hiyo
imetolewa na Katibu wa Chama cha Mapinduzi ( CCM) kata kata ya Matuli Maalim Abdalah Semindu wakati ziara ya Wataalamu wa Shirika la Kuhifadhi Misitu ya
Asili Tanzania (TFCG) kwa kushirikiana na Mtandao wa Jamii wa Usimamizi wa
Misitu Tanzania (MJUMITA) wanaotekeleza mradi huo kwa ufadhili wa Shirika la
Maendeleo na ushirikiano la Uswisi (SDC) walipotembelea vijiji vyenye miradi
kuangalia mafanikio ya Mradi tangu uanzishwe
kwenye vijiji hivyo mwaka 2016.
Semindu
amesema mwaka 2015 kwenye uchaguzi wakati akimnadi mgombea Udiwani wa kata hiyo
Lucas Lemomo kupitia Ilani ya CCM kuomba kura aliahidi kutekeleza ilani ya
uchaguzi ikiwa ni pamoja na kutatua kero mbalimbali zinazowakabili wananchi
ikiwemo ukosefu wa Zahanati,Barabara, Miradi ya Elimu na mingi ikiwemo maji
safi na salama lakini hakujua vitapatikanaje lakini baada ya kuingia kwa Mradi
huo Miradi yote inatekelezeka na kukamilika kabla ya muda alioahidi.
“Mimi mkaa endelevu naueshimia kwelikweli,
sababu umenivika nguo, nilipoahidi 2015 kuwa nitawaletea maendeleo, maendeleo
yamebebwa na mkaa endelevu, nilisema, mchagueni Diwani wangu na chama change
cha CCM tutafanya mambo moja, mbili, tatu, nikiwa sijui nafanyaje, lakini baada
ya mkaa endelevu ahadi zote nimezitimiza, nadaiwa madeni madogo madogo , na
ikifika 2023 nitamaliza madeni yote katika kata yangu” alisema Semindu.
Kwa
upande wake Diwani wa kata ya Matuli Lucas Lemomo ambaye ni Mwenyekiti wa
Halmashauri ya Wilaya ya Morogoro kupitia Vijiji vitatu vya Diguzi,Matuli na
Lulongwe vinashitekeleza mradi huo vimeweza kukusanya mapato ya zaidi ya
shilingi milioni 250 kitu ambacho haikuwezekana Kijiji kuweza kuwa na mapato
yanayofikia milioni 100 kwa mwaka lakini kupitia Usimamizi shirikishi wa misitu
ya vijiji na uvunaji endelevu wa mazao ya misitu hususani Mkaa imewezekana.
 |
| Diwani wa kata ya Matuli Lucas Lemomo ambaye ni Mwenyekiti wa Halmashauri ya Wilaya ya Morogoro akieleza namna mradi huo ulivyonufaisha kata yake. |
Amesema
Kijiji cha Diguzi kilipata shilingi milioni zaodi ya 80, Matuli shilingi zaidi
ya milioni 104 na Lilongwe zaidi ya shilingi milioni 100 ambazo zimetekelza
miradi mbalimbali kwenye vijiji hivyo ikiwemo Ujenzi wa Zahanati, Ujenzi wa
madarasa, Matundu ya Vyoo, Nyumba ya Walimu ya mbili kwa moja, Kulipia Bima ya
afya wanakijiji pamoja na ukarabati wa kisima cha maji cha bomba la kupampu
(Mdundiko).
Mhe.Limomo
amesema jambo kubwa ambalo wanajivunia sana wananchi na viongozi wa vijiji na
kata ni Mradi kuwezesha kuanzishwa kwa mpango wa matumizi bora ya ardhi ambao
umewasaidia pia kuanzishwa kwa masijala nzuri ya ardhi na kupatiwa hati za
kimila za mashamba na viwanja vya makazi na hivyo kumfanya kila mwananchi kuwa
na uhakika nae neo lake.
“Kupitia
mpango wa matumizi bora ya ardhi sasa Kijiji kitumia asilimia 10% ya misitu
huku asilimia 90% ikibaki chini ya Kijiji na kulindwa, hili ni fanikio kubwa
maana tumedhibiti uchomaji hivyo wa mikaa na ingakuwa zamani hiyo barabara yote
mliyopita mngekutana na pikipiki zilizobeba magunia ya mkaa zikiwa zimeongozana
lakini kwa sasa biashara hiyo haipo inafanywa kwa utaratibu mzuri wa uhifadhi
kwa uendelevu” alifafanua Limomo.
Mradi
wa CoForEST unatekelezwa katika vijiji kadhaa vilivyopo kwenye wilaya za
Morogoro, Kilosa na Mvomero mkoani Morogoro, Liwale, Ruangwa na Nachingwea
mkoani Lindi na Kilolo mkoani Iringa.
 |
| Zahanati ya Kijiji cha Lulongwe iliyojengwa kutokana na mapato ya mkaa endelevu. |
 |
| Nyumba ya Walimu ya Mbili kwa moja iliyojengwa kwa kupitia Mapato yatokanayo na mkaa endelevu. |
 |
| Wajumbe wa kamati ya maliasili ya kijiji pamoja na wajumbe wa Kijiji wakifuatilia Mkutano huo. |
 |
| Washiriki wa mkuatano huo wakifuatilia shuhuda |
0 Comments