Makamu Mkuu wa Chuo Prof. Raphael Chibunda kufanya Ziara katika Kampasi ya Mizengo Pinda

 

Na Gerald Lwomile 

Makamu Mkuu wa Chuo Kikuu cha Sokoine cha Kilimo  Prof. Raphael Chibunda, anatarajia kufanya ziara ya siku mbili katika Kampasi ya Chuo hicho ya Mizengo Pinda iliyoko Katavi ambapo atajione miradi mbalimbali na kuzungumza na wafanyakazi pamoja na wanafunzi wa Kampasi hiyo.

 

Akitoa ratiba ya ziara hiyo ya Makamu Mkuu wa Chuo, Rasi wa Ndaki ya Mizengo Pinda Prof. Josiah Katani amesema, ziara hiyo itaanza siku ya Jumatatu Novemba 7 hadi 8.

 

Prof. Katani amesema Makamu Mkuu wa Chuo akiambatana na ujumbe wake kutoka Kampasi Kuu ya Edward Moringe Sokoine atajione sehemu ambazo majengo ya Mradi wa HEET yatajengwa na pia eneo pendekezwa kwa ajili ya upanuzi wa Ndaki ya Mizengo Pinda.

 

Aidha Prof. Raphael Chibunda atatembelea na kuona shamba la mazao ya Nyuki la Vilolo na kuzungumza na wanafunzi ikiwa ni pamoja na wafanyakazi wa Kampasi hiyo ya Mizengo Pinda  Mkoani Katavi.