Teknolojia ya kunyonyeshea Ndama ni fursa ya kujikwamua kiuchumi kwa Mfugaji

 

Na: Tatyana Celestine

Wafugaji nchini wametakiwa kuanza kutumia Teknolojia  ya Unyonyeshaji wa Ndama wa Ng`ombe, Mbuzi na Kondoo ili kuweza kujikwamua kiuchumi na kuongeza tija katika Sekta ya ufugaji pasi kuendelea kutumia mazoea yanayopelekea vifo kwa wanyama hao wadogo pindi wanapokubwa na changamoto ya lishe hasa kwa upande wa Maziwa.

Hayo yamesemwa na Mhitimu kutoka Chuo Kikuu cha Sokoine cha Kilimo (SUA), ambaye kwa sasa ni Daktari wa Mifugo kutoka Kampuni ya Farmbase Limited Dkt. Abdul Khamis Byarugaba wakati wa ziara yake  katika mashamba ya wafugaji  Wilaya ya Kisarawe jijini Dar es Salaam ikiwa na lengo la kuwapa elimu ya matumizi sahihi ya dawa na lishe katika ufugaji.

Dr. Byarugaba ametaja  malengo mengine kuwa ni  kusaidia kutatua changamoto zinazowakumba na kuwashauri njia sahihi ya kuwatunza Ndama ili wawe na afya hata ikiwa wazazi wao wamekumbwa na changamoto  ya  maradhi au kupoteza uhai.

Dr. Byarugaba ametaadhalisha kuwa ndama wengi wanapoteza maisha kipindi ambapo wafugaji wanakosa nyenzo sahihi za kuwasaidia kuweza kupata maziwa kama inavyotakiwa hivyo amewataka kutumia teknolojia hiyo ya kunyonyeshea wanyama iliyotengenezwa maalumu ili kuweza kunyonyesha mnyama zaidi ya mmoja kwa mara moja.

Aidha ametaja faida ya kutumia teknolojia hiyo kuwa ni kuongeza thamani ya mifugo kwa mfugaji  kuwa na uwezo wa kukadiria kiasi sahihi cha maziwa  ya kulisha ndama wa ng`ombe, mbuzi au  kondoo wadogo, kuepusha maambukizi ya maradhi kutoka kwa mama kwenda kwa ndama na hivyo kupelekea kumuongezea thamani ya mifugo na  kuuza Wanyama wenye afya kwa gharama aipendayo.

Dr.Byarugaba amewashauri wafugaji kuhakikisha wanatumia dhana za mifugo zenye ubora  zinazopatikana kwa uhakika na urahisi nchini  kupitia kampuni ya Farmbase pekee ambao wanazalisha, wanagiza na kusambaza bidhaa  ili kurahisisha kuepuka changamoto za kupoteza fedha pasipo faida.