Teknolojia za Mradi wa RIPAT SUA zawanufaisha wakulima.

 

 Na: Ayoub Mwigune

 Teknolojia mbalimbali zinazotolewa na Mradi unaofahamika kama RIPAT SUA unaozingatia kuongeza thamani ya mazao na ufugaji unaoshirikisha Shirika la RECODA na Halmashauri ya wilaya ya Mvomero  umewanufaisha wakulima  wengi ndani na nje ya wilaya hiyo

     Hayo yamesemwa na wakulima ambao wako kwenye vikundi ambao wamenufaika na mradi wa RIPAT SUA katika wilaya ya Mvomero   wakati walipotembelea na wadau kutoka Wizara ya Kilimo, na wataalamu kutoka SUA

   Akiwakabibisha wadau kutoka Wizara ya Kilimo, wataalamu kutoka RECODA, wanafunzi SUA, Taasisi ya Maendeleo ya Jamii na Mashirika yasiyo ya kiserikali, Mwakilishi wa kikundi cha Tukaleghoya Bw. Ramadhani Iddi amesema mafanikio makubwa ambayo wameyapata wanakikundi hao ikiwemo ujuzi wa kulima kilimo cha kisasa chenye tija yamewezeshwa na watalaamu hao wa kilimo

     Naye mkulima muwezeshaji Bw. Abiasi Msinde amesema kuwa katika kuhakikisha teknolojia hiyo inaenea zaidi kikundi chao kinapojifunza kinahakikisha kinawafundisha wakulima ambao sio wanakikundi lengo likiwa ni kuwafikia wakulima wengi na jamii kwa ujumla.

     Amekishukuru Chuo cha SUA kupitia mradi huo kuwa wamepata Teknolojia nyingi ya kuongeza thamani ya mazao kwa kutengeneza viazi,maandazi,chapati, Tambi na  namna ya kuvundika ndizi .

   “Binafsi nimewafundisha watu kulima migomba kama wanne na nimewasaidia maotea 40 na wale ambao si wanakikundi wanaendelea kutumia teknolojia  kutokana na mafanikio makubwa wanayoipata” amesema Bw. Msinde.

   Dkt. Emmanuel Malisa ambaye ni Mratibu wa Mradi kutoka Chuo Kikuu cha Sokoinecha Kilimo amesema kuna kata saba  ambazo mradi  tayari umewafikia 

   “Kuna kata saba  ambazo mradi  tayari wana kama  kata ya Mlali, Mzumbe na kata zingine tano za Manispaa ya Morogoro na mradi tayari umeshawafikia vikundi 22 na wakulima 650  lengo ikiwa ni kuwafikia wakulima 720  ifikapo Februari 2021 hivyo mradi unaenda kwa kasi nzuri” amesema Dkt. Malisa.

    Kwa upande wake Bi. Josephine Kuhanda Msimamizi na Mratibu wa mradi wa RECODA ameelezea kuwa vikundi ambavyo tayari vinanufaika  na teknonlojia  zinazotolewa na mradi ni kikundi kinachoitwa Tukaleghoya ambacho kina  wakulima 26 na kikundi cha Imara ambacho kina jumla ya wakulima 24

   Akitoa neno la shukrani Bw. Comrad Mhonda Afisa Ugani kata ya Mlali ameushukuru Mradi wa RIPAT SUA kwa juhudi zao za kusambaza teknolojia hiyo na imemfanya kuwa karibu na wakulima kupitia vikundi vilivyoanzishwa na mradi huo na kuona matokeo mazuri yanayofanywa na wakulima hao.

 

 VIDEO