Tafiti zinazofanywa SUA ni za kushangaza na zenye manufaa: Wanafunzi Nyakabindi

Gerald Lwomile, Simiyu

Wanafunzi wa shule ya msingi Nyakabindi, Bariadi mkoani Simiyu wamesema tafiti zinazofanywa na Chuo Kikuu cha Sokoine cha Kilimo SUA ni za kushangaza na zenye manufaa kwa wakulima na watanzania kwa ujumla

Wanafunzi kutoka shule ya msingi Nyakabindi wakisikiliza maelezo kutoka kwa Dkt. Mgode wa pili kushoto

Wakizungumza na SUAMedia kwenye viwanja vya maonesho ya wakulima Nanenane mkoani Simiyu, Kaka Mkuu wa Shule hiyo Kulwa Kubala na Dada Mkuu wa shule hiyo Marietha Masunga wamesema wameshangazwa na uwezo wa panya katika kusaidia zoezi la kutambua sehemu ambayo ina bomu ili liteguliwe lakini pia panya wanavyotumika kunasa na kutambua makohozi yenye vimelea vya Kifua Kikuu

 Akifafanua zaidi Kubala amesema katika hali ya kawaida wakulima wengi hawajui kuwa panya wanaweza kuwa na uwezo wa kufanya mambo hayo na wanachojua ni kuwa panya wao ni waharibifu tu na hasa kwa kula mazao mbalimbali kama mahindi yakiwa yanaota au mpunga unapokuwa shambani

“Nimepata mafunzo ya namna panya wanavyoweza kutumika katika kutambua na kujua wapi bomu lipo ili liondolewe lakini pia nimejifunza namna ambavyo unaweza kutumia panya kutambua makohozi yenye vimelea vya Kifua Kikuu”, amesema Kubala

Akitoa maeelezo kwa wanafunzi hao waliofika katika banda la SUA Mtafiti kutoka Chuo Kikuu cha Sokoine cha Kilimo SUA Dkt. Georgies Mgode amesema pamoja na kuwepo kwa faida za panya kutumika kama kitoweo, kutambua eneo ambalo linakuwa na bomu na kutambua makohozi yenye vimelea vya kifua kikuu lakini pia kuna jamii za panya ambao ni waharibifu

“Kuna aina ya panya ambao ni waharibifu ambao panya mmoja tu anaweza kula gramu 8 hadi kumi kwa siku kwa hiyo mwaka una siku 365 ukizidisha mara kumi maana yake atakula zaidi ya gramu 300, maana yake ni kwamba panya mmoja mdogo yule anaweza kula kilo 3.5 sasa wakiwa 100 je? Na ndiyo maana tunasema kuwa panya ni waharibifu pamoja na faida zake” amesema Dkt. Mgode

Dkt. Georgies Mgode mtafiti kutokaJina sahihi ni 'Kituo Cha Kudhibiti Viumbe Hai Waharibifu' SUA akitoa maeelezo kwa wanafunzi

Ameongeza kuwa sababu kubwa za panya kuzaliana kwa wingi ni pamoja na kuwepo kwa nafasi nzuri, chakula na mazingira mazuri na huzaliwa hadi panya 24 kwa mpigo na watoto katika siku 28 tu wanakuwa wamemaliza kunyonya mama yao anazaa wengine……, sasa wanapozaliana kwa wingi wanaharibu mazao” amesema Dkt. Mgode