HABARI PICHA: USHINDI ULIVYOONDOA UCHOVU WA SIKU 8 ZA MAONESHO

Na Gerald Lwomile

Simiyu

Makamu wa Mkuu wa Chuo Kikuu cha Sokoine cha Kilimo SUA Prof. Raphael Chibunda amewapongeza washiriki wote waliokitangaza Chuo Kikuu cha Sokoine cha Kilimo SUA katika Maonesho ya Wakulima Nanenane Kitaifa mkoani Simiyu na kupelekea SUA kushika namba moja kwa upande wa Vyuo Vikuu lakini pia SUA kushika namba tatu kwa ujumla katika maonesho ya Kanda ya Mashariki

"Mmefanya kazi kubwa sana niwapongeze kwa kushika nafasi ya kwanza hapa Simiyu lakini pia Morogoro tumeshika nafasi ya tatu kwa ujumla hongereni sana na tujipange mapema kwa maonesho yajayo, hongereni sana" amesema Prof. Chibunda

                                     
Makamu wa Mkuu wa Chuo Kikuu cha Sokoine cha Kilimo SUA Prof. Raphael Chibunda akiwa ameshika Kombe la Ushindi wa nafasi ya kwanza kwa Vyuo Vikuu katika maonesho ya Nanenane Kitaifa yaliyofanyika Nyakabindi Bariadi mkoani Simiyu

Makamu wa Mkuu wa Chuo Kikuu cha Sokoine cha Kilimo SUA Prof. Raphael Chibunda katikati akiwa na Mratibu wa Banda la SUA Dkt. Innocent Babili kushoto na kulia ni Prof. Ludovick Kazwala

Makamu wa Mkuu wa Chuo Kikuu cha Sokoine cha Kilimo SUA Prof. Raphael Chibunda aliyevaa suti nyeusi katikati akiwa na waoneshaji walioleta ushindi

Namba moja ilitawala, hakika SUA inabaki juu, na itabaki kileleni, SUA Media tunasema "tuendelee kula mtori nyama tutazikuta chini" mambo mengi mazuri bado yanakuja, hongera SUA