Vijana wapatao 600,000 Tanzania kufaidika na mradi wa “Youth Entrepreneurship for the Future of Food and Agriculture” (YEFFA)

 

Na:Ayuob Mwigune

Vijana wapatao 600,000 kutoka mikoa ya Morogoro, Iringa, Njombe, Mbeya, Songwe, Ruvuma, na Kigoma wanatarajiwa kufaidika na mradi wa “Youth Entrepreneurship for the Future of Food and Agriculture” (YEFFA), unaotekelezwa na Ushirika wa Wajasiriamali Wahitimu wa Chuo Kikuu cha Sokoine (SUGECO) kwa ushirikiano na AGRA Tanzania. Mradi ambao  unaofadhiliwa na MasterCard Foundation kwa kiasi cha dola za Kimarekani 399,960.

                                

Akizungumza na SUAMEDIA Bi.Irene Faustine ambaye ni mratibu wa mradi huo kutoka SUGECO, amesema  mradi huo ni utakuwa  kipindi cha miezi 36 kuanzia Septemba 2024 hadi Agosti 2027 ambapo,YEFFA inatarajia kuzalisha fursa za ajira 78,473 kwa vijana katika sekta ya kilimo biashara na kuwajengea ujuzi muhimu wa kuboresha maisha yao.

 Aidha Bi. Irene ameongeza kwa kusema kuwa Ili kufikia malengo hayo SUGECO inashirikiana na wagani jamii (VBA) 1,458, ambao watawezesha kuweka wasifu wa vijana hawa kwenye kanzidata maalu. hatua ambayo itasaidia kurahisisha ufuatiliaji wa maendeleo yao na kuchochea ushirikiano wa miradi mingine ya kilimo.

Kwa upande mwingine, Mhandisi Richard Semangwe, akimuwakilisha Katibu Tawala Msaidizi wa Sehemu ya Uchumi na Uzalishaji, amesema  mkoa umepokea mradi huo kwa furaha. Ameipopongeza SUGECO kwa juhudi zao na kusema kwamba mradi huu utawasaidia vijana katika halmashauri tisa za Mkoa wa Morogoro.

  “Vijana wengi wa mkoa huu wapo tayari kupokea mradi wowote wenye malengo chanya katika kuwainua kupitia kilimo,” alisema Mhandisi Semangwe.