SUA kuhakikisha teknolojia na bunifu mbalimbali kusaidia jamii

 

Na: Gerald Lwomile, Dodoma

Maonesho ya Kitaifa ya Sayansi, Teknolojia na Ubunifu kwa mwaka 2023 yameanza rasmi Aprili 24, 2023 Jiji Dodoma na Chuo Kikuu cha Sokoine cha Kilimo (SUA) ni miongoni mwa washiriki wa maonesho hayo.

Wananchi mbalimbali waliotembelea banda la SUA wakipata maelezo ya dawa mbalimbali zitokanazo na mimea zilizotengezwa na watafiti kutoka SUA (Picha zote na Gerald Lwomile)

Kutokana na ushiriki huo SUA imesema teknolojia na bunifu mbalimbali zinazoibuliwa na wanafunzi na watafiti zinalenga kuhakikisha zinaisaidia jamii ya kitanzania katika kukabiliana na changamoto mbalimbali.

Hayo yamesemwa leo Aprili 25, 2023 na Profesa Mshiriki Abdul Katakweba wakati akizungumza na SUAMEDIA Jijini Dodoma kwenye maonesho ya Ubunifu Kitaifa yanayofanyika jijini hapo.

Profesa Katakweba amesema katika Banda lao lililopo katika uwanja wa maonesho wa Jamhuri kuwa SUA imekuja na teknolojia mbalimbali ambazo zinautatuzi kuanzia kwa binadamu, mimea na mifugo.

Maonesho hayo ambayo yanawashirikisha wabunifu kutoka Taasisi na wadau mbalimbali nchini yameanza rasmi leo Aprili 25, 2023 na yanatarajiwa kumalizika tarehe 28 Aprili, 2023.