Na: Catherine Mangula Ogessa
Wahitimu wa Vyuo Vikuu wametakiwa kubadili fikra zao katika karne hii ya 21 kwa kutambua kuwa kwa sasa hakuna kazi ya maisha na badala yake waelewe kuwa kuna uhakika wa fursa za maisha ambazo ni nzuri na wanatakiwa kuzidaka kwa maendeleo yao na Taifa kwa ujumla .
…“Kwa Karne hii ya
ishirini na moja, "guarantee" ni kwamba hakuna kazi ya maisha bali kuna fursa za
maisha ambazo fursa nzuri nani fursa ambazo mnatakiwa mzidake,... endeleeni
kupeperusha bendera ya SUA.” Alisema
Jaji Mohamed Chande Othman.
Mbali na hayo Mwenyekiti
huyo wa Baraza la Chuo ameishukuru Serikali ya Jamhuri ya Muungano wa Tanzania
kwa ruzuku na fedha za maendeleo inayotoa kwa Chuo, ambazo amesema ni dhahiri
bila fedha hizo Chuo kisingeweza kutekeleza majukumu yake kwa ufanisi uliofikiwa
ikiwemo kuwa na idadi ya wahitimu 2943.
Katika hatua nyingine Mwenyekiti wa Baraza amebainisha kuwa Chuo kimeweza kutekeleza
majukumu yake makuu kwa ufanisi mkubwa, kwa
kuisimamia Menejimenti ya Chuo ili
itimize majukumu makuu ya Chuo hicho ambayo ni kutoa mafunzo, kufanya utafiti,
kutoa huduma za kitaalamu na ugani pamoja na kuzalisha mali.
Kwa upande wake Makamu Mkuu wa Chuo Kikuu cha Sokoine cha Kilimo SUA Prof. Raphael Chibunda ameeleza kuwa, katika Mahafali ya mwaka huu 2020 Wahitimu wa Kike wameongezeka kwa asilimia 25.5, ambapo kwa mwaka huu wahitimu wa Kike ni 1097 ambao ni sawa na asilimia 37.3, tofauti na wahitimu wa mahafali ya mwaka 2019 ambapo idadi ya wahitimu wa kike walikuwa 874.
Wahitimu hao wanatarajiwa katika kuleta mafanikio ambayo yatakuwa kichocheo cha ufanisi, tija na ubunifu katika shughuli mbalimbali za ujenzi wa taifa ikiwemo kuzalisha mali na kutoa huduma bora kwa jamii na Taifa kwa ujumla.
Katika hatua nyingine Prof. Chibunda amesema kuwa
ni ukweli usiofichika kuwa chuo cha SUA
kime kuwa ni chuo ambacho kinapika wahitimu ambao kwa hakika shule wanayoipata
sio ya lelemama.
…..“Mheshimiwa
Mkuu wa Chuo, Kwa kutambua kwamba kusoma na kufikia hatua ya kutunikiwa cheti
katika Chuo Kikuu cha Sokoine cha Kilimo haijawahi kuwa lelemama niombe ridhaa yako ya kuungana na
Mwenyekiti wa Baraza la Chuo kuwapongeza kwa dhati watunukiwa wote kwa juhudi
zao katika masomo ambazo zimewawezesha kufikia mafanikio waliyoyapata.”Alisema
Prof. Chibunda
Ameongeza kuwa wanawatarajia
wawe mabalozi wa kukitangaza Chuo vizuri kwa tabia na utendaji wao mzuri wa
kazi, na kuwa ni mategemeo ya Chuo
kwamba watatumia elimu waliyopata kuwa wabunifu, wajasiriamali na kuzalisha
ajira zao wenyewe wakijiepusha kuwa wazururaji na walalamikaji.
Akieleza kuhusu udahili kwa mwaka wa masomo 2019/2020, Prof. Chibunda amesema, chuo kimesajili jumla ya wanafunzi 5127 wapya, kati yao, 4869 ni wa Shahada za kwanza, 151 wa shahada ya uzamili yaani wanaochukua masomo ya Umahiri na Uzamivu na kwa upande wa stashahada na astashahada ni wanafunzi 258 na hii inafanya kuwa na idadi ya wanafunzi wapya hadi tarehe 14 Desemba, 2020 ni 13,552.
Kwa upande wa Kampasi Mpya ya Mizengo Pinda iliyopo katika
Kijiji cha Kibaoni, Wilaya ya Mlele Mkoa wa Katavi, ambayo Chuo kimeanzisha, kwa mwaka huu chuo
kimedahili wanafunzi 103 ambao wamesajiliwa
na kuanza masomo katika katika programu tatu ambazo ni Shahada ya kwanza ya
Sayansi ya Usimamizi Rasilimali Nyuki (BSc. Bee Resources Management),
Stashahada ya Uzalishaji na Usimamizi wa Mimea Vipando (Diploma in Crop
Production and Management) na Astashahada ya Uongozaji Watalii na Uwindaji
Salama (Certificate in Tour Guiding and Hunting Operations).
KATIKA PICHA
KATIKA VIDEO BOFYA HAPA CHINI
0 Comments