SUA YATEKELEZA AGIZO LA MHE. MAGUFULI KWA KUNUNUA MABASI MAWILI YENYE THAMANI YA SH. 406

 Na:Sada Mkwizu

Makamu wa Mkuu wa Chuo cha Sokoine cha Kilimo (SUA)  Prof. Raphael Chibunda leo tarehe 23 August, 2019 amepokea na kuzindua rasmi mabasi mawili aina ya TATA yenye thamani ya shilingi. Mil. 406 yaliyonunuliwa kutokana na mapato ya ndani ya chuo kufuatia agizo la Mhe. Rais  Dkt. John Pombe Magufuli la mwaka 2018.

Akizindua mabasi hayo Prof. Chibunda amewashukuru wale wote waliohusika kufanikisha kununuliwa kwa mabasi hayo na kusema kuwa yatasaidia kutatua changamoto ya usafiri kwa wanafunzi  iliyokuwa ikiwakabili kwa muda mrefu.

Aidha amewataka madereva, mafundi, wanafunzi na wafanyakazi kuyatunza mabasi hayo na kuhakikisha yanatumika kuleta maendeleo na wepesi wa utendaji kazi kwa vitendo kwa wanafunzi na chuo kwa ujumla.