Na: Calvin Gwabara – Nairobi.
Rais wa zamani wa Nigeria Mhe.
Dkt. Goodluck Jonathan amesema mawasilisho na majadiliano ya wadau kwenye
mkutano wa Teknolojia za Kilimo Barani Afrika yamedhihilisha kuwa bara la Afrika
linahitaji teknolojia ilikuweza kulisha ongezeko kubwa la idadi ya watu waliopo
na kujiandaa na wanaokuja.
Rais wa mstaafu wa Nigeria Mhe. Dkt. Goodluck Jonathan akitoa hotuba ya ufungaji wa mkutano wa ACAT.
Ameyasema hayo wakati akifunga
mkutano wa kwanza wa Teknolojia za Kilimo Barani Afrika uliofanyika nchini
Kenya na kuwakutanisha mamia ya wadau wa kilimo kutoka Afrika yote na Duniani
ulioandaliwa kwa ushirikiano kati ya
Serikali ya Kenya kupitia Wizara yake ya Kilimo na Maendeleo ya Ufugaji na
Taasisi ya Teknolojia za Kilimo Afrika AATF.
“
Nitumie nafasi kuwaomba kuiendeleza ACAT kama sehemu muhimu ya kuonesha Bunifu
Sayansi na Teknolojia za Kilimo wakati
tukiendelea kwenye kupambana kutengeneza mazingira wezeshi kwa ukuaji wake na
hivyo niwaombe wawekezaji zaidi hasa wanaofanyakazi Afrika kwenye Teknolojia za
Kilimo Afrika kuunga mkono jitihada hizi za ACAT,” alisema Mhe. Dkt. Jonathan.
Aidha
amesema mkutano wa ACAT umeonesha kuwa mazingira ya kilimo Afrika yapo tayari
kwaajili ya mabadiliko na mbegu ya ubunifu ipo tayari kupandwa hivyo lazima kutumia
rasilimali zilizopo na kufanya uwekezaji mzuri ili kupata Ubunifu unaohitajika
kwa kilimo chenye mafanikio Afrika.
Rais
huyo wa zamani wa Nigeria amesema bado kuna matumaini na zipo fursa za kufungua
sura mpya katika juhudi za kuboresha kilimo, ugani na ustawi wa watu
lakini hii haiwezekani kufanyika kwa
kuachiwa Serikali pekee.
Kwa
upande wake Mkurugenzi mtendaji wa Taasisi ya Teknolojia za Kilimo Afrika
(AATF) Dkt.
Canisius Kanangire amesema ukuaji wa
vijana barani Afrika unaweza kuleta mabadiliko katika sekta hiyo huku zaidi ya
80% ya wabunifu wakiwa vijana na hivyo Serikali na wadau wamepewa changamoto
kutazama upya nafasi ya vijana.
Mkurugenzi mtendaji wa Taasisi ya Teknolojia za Kilimo Afrika (AATF) Dkt. Canisius akitoa maazimio ya mwisho ya mkutano huo kwa niaba ya washiriki wote.
“Umuhimu
wa kuweka mazingira wezeshi na vivutio vya kutosha kuwezesha Utafiti, maendeleo
na ubiasharishaji wa Teknolojia za Kilimo biashara ya ubunifu wa kilimo na
uanzishwaji wa sekta binafsi inayofanya kazi unahitaji kusisitiza kwa kasi”
alisisitiza Mkurugenzi huyo wa AATF Dkt. Kanangire.
Aidha
Dkt. Kanangire ametoa wito wa kuwajengea uwezo wakulima uwezo wa kustahimili mabadiliko
ya tabia nchi barani Afrika, ikizingatiwa kuwa uzalishaji wa Kilimo na mifumo
ya chakula barani humo huathirika sana na mabadiliko ya tabianchi.
Mkutano huo wa siku tano umefanyika nchini Kenya na kuwakutanisha wadau mbalimbali wa kilimo zaidi ya 300 kutoka nchi mbalimbali za afrika na nje ya Afrika.
 |
Mwenyekiti wa bodi ya wadhamini ya AATF Prof. Aggrey Ambali akitoa salamu za Bodi wakati wa ufungaji wa mkutano huo wa wa siku tano ACAT jijini Nairibi.
Mwenyekiti
wa bodi ya wadhamini ya AATF Prof. Aggrey Ambali pamoja na
0 Comments