SUA yawanoa wanafunzi wake katika kuandika maandiko (Tafiti) na kuwapa mbinu za Tafiti Bunifu

Na: AYOUB MWIGUNE

Wanafunzi wa Shahada za kwanza, pili na tatu kutoka Chuo Kikuu cha Sokoine cha Kilimo SUA wamepatiwa mafunzo yenye lengo la kutambua njia mbalimbali za kuandika maandiko ya kitafiti ambayo ndani yake yatawezesha kutambua mbinu za kuja na tafiti bunifu zenye kutatua changamto  zinazoikabili  jamii.

Hayo yameelezwa na Mratibu wa Utafiti na Machapisho kutoka Kurugenzi, ya Uzamili, Utafiti, Uhaulishaji wa Teknolojia na Ushauri wa Kitaalam wa Chuo Kikuu cha Sokoine cha Kilimo SUA Prof. Japhet  Kashaigili  wakati  akifunga mafunzo kwa wanafunzi hao wa SUA. 

Prof.  Kashaigili  amesema anaamini mafunzo hayo yamewajengea uwezo wanafunzi kutoka SUA katika kufanya tafiti bunifu ambazo zitaleta tija na mabadiliko  katika Jamii, huku akiwaomba wanafunzi hao kutenga muda kwa ajili ya kuhakikisha kile walichojifunza katika semina hiyo wanakwenda kuwafundisha wanafunzi wengine. 

“Chuo Kikuu cha Sokoine Kilimo  SUA kitaendelea kufuatilia  kwa karibu ili kuhakikisha kuwa elimu  mliyoipata  mnaitumia ipasavyo katika kuleta  mafanikio katika jamii ” alieleza Prof.  Kashaigili.  

Kwa upande wao washiriki katika  mafunzo hayo Bi. Rehema Anthony , Bw. Mihonjo Titus pamoja na Bw. Paul Kisena wamewashukuru waandaji wa Mafunzo hayo huku wakieleza kuwa mafunzo hayo yana umuhimu mkubwa  katika kujenga uwezo wa kufanya tafiti mbalimbali zenye kuleta tija katika jamii.

Naye Mkufunzi katika mafunzo hayo ambaye pia ni Mtaalamu wa Hataza na Haki Miliki Ubunifu Dk. Georges Shemdoe  amesema  anategemea kuona Wanafunzi hao wakipiga hatua kutokana na  Mafunzo hayo waliyopata  kutoka kwa Wakufunzi mbalimbali .

KATIKA VIDEO